陳山聰 伍詠薇一吻解千怨

山聰與伍姑娘當年突然交惡，令身邊朋友大感愕然。事緣2011年一個慶生派對上，山聰與友人玩「Truth or Dare」（真心話大冒險）遊戲，輸了的山聰被罰致電一個朋友「絕交」，當時有醉意的山聰想起伍姑娘，立即致電對方拋下一句：「你以後唔好再搵我！」怎料一句戲言玩出火，自此兩人斷絕來往。

拉隊歎美食

不過老友始終是老友，緣分又的確巧妙。近日和胞兄到日本旅行兼陪跑馬拉松的山聰，其女友Apple亦有同行，有緣跟到當地旅行的伍姑娘「重拾舊歡」約飯敍，之後山聰在社交網站上載兩人作狀咀嘴的合照，並留言：「一吻解千怨！盡在不言中！I love you！」正式宣布和伍姑娘破冰！晚上山聰帶隊出外擦餐勁，一晚去了三個地方歎美食，伍姑娘老公練海棠亦有同行，相當熱鬧，而伍姑娘亦感到食物平貴不重要，最緊要一齊的時候開心。

其實兩人復交絕對有迹可尋，山聰日前在社交網留言意有所指：「曾經有多少個晚上希望等到一個電話，我今晚終於等到，多年的心結終於可以解開，多謝你！感恩！」仍身在日本的山聰接受電話訪問稱：「去咗居酒屋，又食炭燒豬肉，再食埋蟹蓋。（相中幾乎齊三啤人仲開心？）係呀，我阿嫂同個女去咗法國，所以阿哥同咗我嚟呢度囉。」

陳山聰與伍姑娘扮咀嘴，正式宣布「復交」。

（左起）Apple、陳山聰、伍詠薇、練海棠、陳山聰胞兄 陳山聰透露在日本吃了不少美食。

心結終解開

對於和伍姑娘和解，山聰說：「呢個真係我哋嘅緣分，真正將我哋嘅誤解化開，呢個真係我多年嘅心結。（有冇同伍姑娘飲酒慶祝？）秘密。」伍姑娘亦說：「好開心盡在不言中，有時未必要喺香港，好似無端端咁喺日本遇番，都係一種緣分。」身為他們好友的陳敏之表示：「見到佢哋開心，我就開心了。其實人大了，真心朋友愈來愈少，所以要珍惜！惜緣。」

文：影視組