歐陽巧瑩美國限定拋半球
藝人歐陽巧瑩（Tammy）與男友林師傑正於美國大峽谷旅行，一向毫不吝嗇身材的她，昨日身穿工人褲卻零打底豪晒半球，表示要「Free The Nipple」（解放乳頭），Tammy更指已是2017年，不需要再讓胸圍箍住自己！
歐陽巧瑩近日與男友林師傑蜜遊美國，沿途拍攝了不少靚相，昨日Tammy在社交網上載了一張穿上工人褲、零打底的性感相，豪晒半球，並留言「Free The Nipple」！
原來Tammy是響應「解放乳頭運動」，以「身體」支持男女平等。「解放乳頭運動」是在2010年開始，獲得不少藝人響應參與，包括美國天后Miley Cyrus，活動目的是追求性別平等。
事後Tammy接受記者電話訪問，坦言今次是「美國限定系列」：「其實想咗好耐，好多外國人喺香港都唔戴胸圍，但大多數香港人唔會咁做。其實依家已經2017年，唔需要再畀呢樣嘢箍住自己，好多女仔返到屋企都會即刻除Bra，覺得咁先舒服，咁先係自己！（返香港會唔會再『解放』？）唔會啦，香港始終呢方面仲好保守，但作為一個亞洲國際城市，各方面都好潮嘅地方，喺呢方面係好應該進步一下。」
底褲一定要着
當問到會否因工作需要而露點？Tammy表示要視乎情況：「其實冇咩問題，亞洲都有好多女星試過，例如湯唯、裴斗娜咁，但唔會為露而露，劇情上有需要先會咁。（咁露三點呢？）咁就唔得喇，接受唔到！底褲好緊要！（出街會唔着底褲？）咁又唔得，呢個係衞生問題，唔會唔着底褲出街。」問相片是否男友親自操刀，她表示一部分是對方拍攝，一部分是自己用腳架自拍。男友有否叫她着多件衫？Tammy說：「嗰邊攝氏38度呀！」
採：影視組
文：專案組