袁偉豪一身肌睇得唔打得

藝人袁偉豪（Ben）、朱晨麗（朱朱）和許家傑等前晚在柴灣拍攝無綫新劇《棟仁的時光》的英雄救美場面，飾演惡霸的許家傑帶同手下公然調戲朱朱，不但搶走她手上的糖水倒在其身上，更打算捉走朱朱為所欲為！幸好Ben及時出現制止，不過他只「出口術」救走女方，枉費一身好肌肉。雖然Ben受訪時自稱「正義底」，但他坦言遇同類情況會先顧自己安全：「睇情況啦，真實嘅話會有警察叔叔處理嘅！（你咁大隻可以頂住先！）大隻係攞嚟睇，唔係攞嚟頂！睇得唔打得！」

朱晨麗成身濕晒

被糖水淋濕的朱朱就笑指自己濕到落腳，雖然有帶上衣更換，但棋差一着帶漏褲：「依家慘喇，冇得換，意料之外！」談到在戲中被調戲，她透露入行前試過被人當街搭訕：「佢話電話唔見咗，需要我個電話嚟打畀佢，知佢係想抄牌，我就話唔好意思，我冇帶電話，然後即刻走！」

朱晨麗被糖水淋濕晒，真係陰功豬！	袁偉豪「出口術」同許家傑講道理，叫佢放人。	朱晨麗帶漏下身衫更換，認真失策。

詩詠同翠如Friend底

另外，唐詩詠昨日亦為《棟》劇開工，拍攝冒雨在泥濘救BB的戲份。談到有指好友黃翠如撐她甚於舊愛洪永城，更與她到郊外探班散心，她即說：「唔係散心，佢陪我啫。（分手後同翠如Friend咗？）不嬲都咁Friend，大家性格好似。」

文：影視組