蔡國威Ready捐骨髓救人

藝人蔡國威以前捐血時登記成為志願骨髓捐贈者，早前接到紅十字會通知，指他的骨髓初步適合一位病人，他於兩星期前到醫院抽血接受進一步檢驗。前晚從日本旅行返港的他，直言當初接到電話時又驚又喜：「當初聽到係有啲驚，以為好大件事，怕有危險同要休養好耐，不過覺得自己能力所及就應該幫人！」

至於有關病人的背景資料，威仔表示不知情：「對方唔講得o架，但係我上網睇過移植骨髓好多時係因為血癌。（幾時知檢驗結果？）三個月。（咁耐？）因為移植骨髓係兩者高度脗合先可以，要Send埋去外國驗，一定要驗清楚先知捐唔捐得！」

家人擔心但支持

談到可擔心風險？威仔指上網查看資料，發現捐骨髓並沒想像中可怕：「有兩種方法，一種係全身麻醉，喺盆骨位抽，入院一日就得；另一種係好似捐血咁，抽完走得！（盆骨抽好痛？）係坊間傳聞，但我曾經有朋友抽過，話抽完會痠軟痠軟咁，第二日冇咩o架喇！」他又指家人擔心但表示支持，認為幫到人是緣分。他續稱若檢驗結果適合捐贈，他絕對樂意：「梗係會考慮捐，九成以上，真係唔擔心健康問題，香港醫療好發達，唔使擔心！」

文：影視組