阿Sa送激吻周柏豪瞓着
蔡卓妍於新片中與周柏豪床上激吻，柏豪看似艷福無邊，但實質是「無福消受」，因柏豪拍完通宵戲兼有病在身，竟在親吻戲中睡着，認真走寶！阿Sa亦搞笑指對方「唔識貨」！
蔡卓妍（阿Sa）、周柏豪於英皇電影《原諒他77次》中有場床上纏綿咀戲，鏡頭前看似艷福無邊，兩人不時深情互望，床戲更頗為激烈，但原來現實卻是「無福消受」。當中一幕阿Sa親吻周柏豪的臉，由於拍攝時是深夜，剛拍完通宵戲兼有感冒在身的柏豪竟真的在床上睡着，無福享受阿Sa的香吻，認真走寶！柏豪說：「因為之前開通頂，仲要連續兩晚，所以真係好眼瞓，呢場戲仲要咁啱喺床度拍，真係好吸引，不知不覺瞓着咗！」
鬧「唔識貨」
美色當前竟然瞓着，阿Sa搞笑指自己不是如此差勁，並講笑鬧柏豪「唔識貨」！不過，原來阿Sa都曾經中了當晚的「夜床魔咒」瞓着過，她謂：「因為好夜加上好攰，係等埋位時，我都瞓着過。」
散播病菌交叉感染
跟柏豪拍床上咀戲，阿Sa直言零尷尬，反而事前有做足「抗病」準備，她謂：「我拍之前都有刷牙，除此之外，因為周柏豪有啲感冒，所以拍之前幾日我日日都有飲維他命C，希望抵抗啲細菌，但最終都畀佢傳染咗。」
文：影視組