羅敏莊唔靠個女泰國買樓養老

藝人羅敏莊（Mimi）昨日偕趙頌茹（阿Yu）等出席童星選拔活動，Mimi透露有意搞個「師奶睇樓團」的網上節目，到泰國與越南等東南亞地方睇樓：「依家準備喺泰國投資買樓，泰國靚啲o既樓都係200幾萬左右。」想在當地養老的她表示老公陳國邦本來有點抗拒：「不過我想效法咪咪姐（朱咪咪），佢喺新加坡住，間中返香港做嘢，同老公喺曼谷實地睇過，佢都話諗得過。（囡囡呢？）佢大咗唔使我o架喇！自己讀書搞掂自己。」還希望十年內實行到泰國養老大計。阿Yu則透露活動前先帶兩女兒去玩，又爆她們想養狗：「但佢哋兩個我都搞唔掂，等佢哋大啲先養。」