黎明詩出櫃 戀上女歌迷

久未露面的黎明詩昨日和歌唱老師譚順生擔任「中國新歌聲」唱歌比賽的評審，她於年前跟銀行高層老公Eric感情出現問題分居後，有指她性向有變，早前更傳戀上同性密友Kelly，更發展至同居關係。首度親口回應傳聞的她大方表示跟Kelly是「好好的朋友」，又稱生活開心、健康，已到人生另一個階段。有傳她與Kelly已在朋友圈公開關係，她也大方直認：「算係，但未公開咁講，我都係開始，好夾，相處得好好。（同居？）唔係同居，係鄰居。」又指之前未試過與同性交往，Kelly是第一個。

老公都知轉軚

至於可會與Kelly結婚？她不排除說：「未知喎。（之前婚姻失敗有陰影？）都會，但最緊要有個伴傾得埋，都希望可以再耐。」講到與分居丈夫現時關係，她稱仍在辦理離婚手續：「分居緊，搞緊離婚手續。（佢知你同Kelly關係？）應該知。」問到可會復出幕前？她坦言有興趣：「睇緊有冇機會，我依家面對鏡頭唔太習慣，但我鍾意唱歌。」又指Kelly應該是她的歌迷，所以亦支持她復出：「佢有聽過我歌，成日播聽，我都問係咪真係咁好聽。」據知，她與Kelly拍拖前曾與另一位同性密友交往，不過為免刺激思想保守的父親，對戀情刻意低調，但今次受訪時，她公開認愛。

何韻詩點睇？

其實黎明詩來頭也不少，其父親是粵劇老行尊黎家寶，她在英國留學時和妹妹參加華裔小姐比賽奪冠，妹妹得亞軍，回港後，長髮、有對兔仔牙的她，憑日本妹造型進軍模特兒行列，和吳君如、陳雅倫及柏安妮合拍電影《霸王花》等，之後轉戰樂壇簽唱片公司，同期女歌手有王菲、彭羚及黎瑞恩，和周慧敏爭做「玉女掌門人」，不過在外國留學的她思想洋化，當年已大膽穿三點式泳衣影水着，雖然外形條件好，但星運麻麻，唱歌其代表作只有《Goodbye My Love》、《停不了的愛》及改編自日文歌的《敢愛敢恨》等，亦曾與藝人阮兆祥傳緋聞，但她在1998年與銀行高層Eric Fung結婚後就淡出幕前。至於首位「出櫃」的女歌手何韻詩對此說：「佢唔係好算真係come out。」

文：音樂組