現年58歲的美國流行樂壇女王麥當娜出名愛食嫩男，最近傳出與年輕27年的31歲葡萄牙大隻模特兒Kevin Sampaio譜出「母子戀」，還被踢爆已秘交一年多！
麥當娜（Madonna）近日被傳與Kevin暗交超過一年，有指是她不想戀情曝光，希望先摸清Kevin個底，肯定自己是否信得過對方，知情者說：「最令佢驚喜就係經過一年戀情後，Kevin仍然冇向傳媒爆料，並一直將戀情守口如瓶！」據知，二人於2015年因合拍MV《Bitch I'm Madonna！》而認識，MV中飾演情侶並有激咀鏡頭。有指兩人拍攝時已擦出火花，今次更是麥當娜主動搭訕，證明Kevin魅力過人。
其實有指Kevin最大「殺傷力」除了一副超級性感Body外，還能令麥當娜發笑！查實早前已有指麥當娜於3月時與一名神秘男子在紐約共進晚餐，相信就是Kevin。友人指兩人近半年才開始認真交往，Kevin對麥當娜的子女亦好好，又曾陪伴麥當娜到非洲馬拉維作親善訪問。
另外，荷里活男星Zac Efron日前到名嘴Jimmy Kimmel的清談節目受訪，期間提及Zac去年底被安排與麥當娜一起睇UFC格鬥賽，Jimmy直接問Zac：「其實係咪麥當娜想同你上床？佢係咪刻意安排你同佢坐？佢睇中嘅嘢，冇人可以逃避！」搞到見慣大場面的Zac面都紅晒唔敢答。
文：外娛組