連詩雅拒認徐浩係男友

歌手連詩雅（Shiga）與何弘軒等昨日出席戶外小型音樂會，期間Shiga獲緋聞男友徐浩彈結他伴奏，二人更分別以黑白橫、直間「情侶裝」上陣，講到與徐浩合照時尷尬，她笑說：「係你哋整到好似好尷尬！我哋成日都見，因為做嘢、錄音會見到。」又否認拍拖：「我哋係朋友。（有冇機會？）唔知呀將來嘅嘢。（佢有冇追你？）唔覺。（佢追你受唔受？）追我先算。」