今年是《康城電影節》70周年，大會昨晨舉行周年慶祝會，眾星「胸群」出動，不過當中最養眼莫過於以一襲鮮黃晚裝上陣的華人女星舒淇，今年未有電影入圍的她與賈樟柯齊齊撐場，大晒白滑香肩與玉背之外，轉身再送上冧爆笑容，配上代言品牌Bulgari價值逾600萬港元的鑽飾，輕易成為全場焦點！
至於主競賽評審之一的內地女星范冰冰亦有現身，以吸睛度高的粉紅透視裝上陣，與影星拍檔韋史密夫（Will Smith）有講有笑，心情靚爆，同場又有內地女模劉雯及女星秦海璐等。
此外，荷里活眾星亦盛裝上陣，瑪莉安歌迪雅（Marion Cotillard）與艾莉芬寧（Elle Fanning）倒奶上陣，場面「胸湧」；至於查理絲花朗（Charlize Theron）就玩透視晒貴氣，另類搶鏡！歌手Rita Ora同日在康城派對上出「峰頭」，大晒半球成為焦點！