唐詩詠唔評論洪永城仍有愛 你又知我冇傷心？

唐詩詠昨日以白色低V露背裙與鄧月平出席品牌活動，感情失意的詩詠看來氣色不錯，而談到洪永城稱對她仍有愛，詩詠不欲評論：「我收到佢所講嘅愛係朋友嘅愛。（可以昇華番？）唔講，太遙遠。」談到洪永城表現得很傷心，詩詠說：「你又點知我冇傷心呢？感情事想留番畀自己，唔想講係因為需要時間處理，唔代表冇流過眼淚，咁講對我唔公平。（依家係同事定朋友？）朋友。」詩詠日前更與好姊妹黃翠如飯敍療情傷，二人互影靚相上載到社交網。此外，洪永城被指送車及股份予詩詠嘗試挽回感情，正忙於拍劇的他對此說：「不作回應。」