譚凱琪裸露冇底線：出到街就得
譚凱琪為無綫熱播劇《不懂撒嬌的女人》性感大露背，雖然未出街已得到不少回響，但她坦言露背尚未達個人極限，不想設底線去局限發揮。
藝人譚凱琪（Zoie）昨日出戰夜店舉行的Beer Pong明星挑戰賽，同場參賽的藝人還有陳柏宇、傅嘉莉、莊思敏、陳婉衡、黃美棋、黃芷晴及唐貝詩。問到無綫熱播劇《不懂撒嬌的女人》播出後，工作是否較之前多？Zoie說：「呢個活動係我拍劇前接，近日都有PR同廣告商搵我傾關於化妝品牌嘅工作，因為依家電視用4K拍攝，出街效果要好，亦多咗朋友問我點保養皮膚，我都好注重飲食。」問到會否接泳衣騷？Zoie認為要先Keep好身材：「呢排冇時間Keep好身形，下身差啲，有時間會做運動，我鍾意結實啲，但呢排有時間都係休息先。」她又表示劇中裸背未算極限：「我覺得唔好Set條底線框住，而且係劇情需要。（自己底線喺邊？）電視尺度喇，出到街就得。（好似湯唯咁為藝術犧牲？）我冇咁好身材，呢啲好講天分。」
莊思敏飲假酒盲幾分鐘
而莊思敏則穿Deep V吊帶裙出戰，更連贏多個回合，她指Beer Pong是時下流行遊戲，平日亦有與朋友玩，惟自己酒量不好，為了少飲故要玩得叻。她又自爆曾飲醉後狂嘔及瞓覺：「試過唔知係咪飲咗半杯假紅酒，突然間盲咗幾分鐘。之後在場竟然冇朋友信我，過多幾分鐘突然睇得番嘢，醫生話我酒精敏感。」問到有否試過酒後做錯事？莊思敏笑言：「應該話有冇畀藉口男仔做錯事，兩樣都冇！我好怕啲人斷片，咁大個人要識照顧自己，我幾堅持未斷片要離開。」
文：名人組