老公揸機零P圖楊怡晒水着堅係索！

近日不少女星及星二代連環網晒噴血水着，就連去年與羅仲謙結婚的女星楊怡也打破常規，昨日在社交網上載多張激罕水着，Fit爆身材一覽無遺！其中一張輕躺沙灘上托腮的照片，展現人妻「胸」器，大批網民狂讚索爆！近年為吸金四圍飛的羅仲謙，早前完成2018年賀歲新片《西遊記：女兒國》的拍攝後見有少少空檔，即陪老婆楊怡到馬爾代夫享受二人世界，還親自操刀為對方拍下水着寫真！羅仲謙昨日接受電話訪問時被問到老婆的水着照獲網民讚索，他也讚埋一份：「人靚景靚身材靚！（有冇P圖？）唔使P，我親自揸機，知道咩角度係最靚！」楊怡則笑言只是留倩影：「旅行相嚟啫！都係諗住影嚟留念，大家唔使咁驚訝！其實啲相都冇咩特別，你哋太驚喜啫！」還透露要為舞台劇《我的X72家房客》開始排練。