江若琳唔介意同居試婚

Elanne上月底突然自爆與前組合Bliss成員、「生煎包王」蕭潤邦（Oscar）拍拖，昨日她出席戶外小型音樂會，是宣布拍拖後首次出席公開活動。她透露公開戀情後收到很多朋友祝福，最開心可以自由生活。雖然拍拖不久，但有指他們現已同居，Elanne否認其事，但坦言不介意同居：「同居冇大家諗到咁嚴重，大家可以一齊試吓生活小事，多啲時間共處，所以唔排斥同居。（但同居可能會嗌交？）我對我哋幾有信心唔會嗌交，因為我哋性格、諗嘅嘢、鍾意嘅嘢都好似。」

讚男友有擔當

講到Oscar之前曾有空姐女友，但男方早前已澄清Elanne非第三者，對此Elanne大讚男友有擔當，將其感受放第一位：「無論生活小事或者工作都好，佢都比我更緊張，好似我今日嚟呢個音樂會，佢每日都提我要練歌開聲，又幫我諗唱咩歌。」但她強調兩人工作上沒交接，故沒有入股男友的生煎包舖。講到有指男友資助她打官司的律師費，她說：「我仲有能力自己handle到，自己嘅事自己處理，大家精神上支持我係更重要嘅財富。」問到兩人可是向結婚目標拍拖？她說：「我每次拍拖都好認真，我年紀都唔細，都希望我哋可以行到最後。」

扭阿澤耳仔

另外，Elanne前日在社交網上載一張扭杜汶澤耳仔的合照，原來她找阿澤幫她拍新歌MV及做男主角，她寫道：「呢條友雖然由識佢第一日到依家成日都蝦我，但我知道佢其實係最錫我。」又指阿澤二話不說就答應做其新歌MV導演及男主角，MV更拍足兩日，表示對方是她最感謝的人。而阿澤亦有上載兩人合照，並自嘲：「人哋一日拍三個MV，我就一個MV拍兩日，呢次冇得唔認弱智。」

文：音樂組

攝：秦健輝