音樂人雷頌德（Mark）昨日到佐敦錄影ViuTV節目《約咗傅家俊》，他說：「今日同傅家俊打美式桌球，佢左手讓我，我都輸畀佢。（試過同黎明打桌球？）試過，都會賭吓波，幾百蚊上落，唔會賭得大，我哋互有輸贏。（佢邊打波邊講金句？）唔會，佢打波好認真！（佢係咪有拖拍，所以近排心情靚？）唔知喎！可能佢有作品推出，開心啩！我就忙緊蘇永康隻碟，佢要將隻碟送畀個仔，佢好畀心機整。」