郭羨妮敷Mask教功課唔敢皺眉
藝人郭羨妮（Sonija）及劉天龍昨日出席護膚品牌活動，穿低胸Tube Dress騷事業線的Sonija表示，平日會邊敷面膜邊教女兒Kylie做功課，笑言節省不少時間，提到敷面膜最忌皺眉頭，問到是否零舍心平氣和？她坦言教女時感到勞氣：「要控制情緒，否則會有反效果，嬲都要笑住，我會行一行開去個廁所先再返去。」
Sonija透露女兒只得5歲，已非常貪靚，但平時不鼓勵小朋友化妝。她又指主要時間放在照顧女兒身上，現正忙於為即將生日的女兒製造驚喜：「佢已經同爹哋講要生日禮物！（你送咩？）其實我已經買咗個棉花糖機，但畀佢摷咗出嚟！（搞Party？）唔會，一家人開開心心慶祝就夠。（老公會趕返嚟？）點都會返嚟，我生日可能未必返添！」提到今次是造人時機，她卻說：「今次未必夾到時間。（係咪唔會再拍劇？）想追多個小朋友，要再考慮，唔想咁辛苦，拍劇要幾個月時間，我唔捨得個女！」