楊埕甩拖飲飲食食肥晒
藝人楊埕昨日與形象指導「綠魔」許嘉浩（Karl）拍攝飲食節目直播，Karl指楊埕與舊愛龐景峰（Andrew）分手後，缺乏愛情滋潤，笑言化悲憤為食量，楊埕聞言自爆比之前肥胖不少：「前排去貴州做嘢十日，啲食物好油膩，自己又冇做運動，雖然冇重到，但係體形就肥咗！（做運動減肥？）要呀，以前成日約Andrew去做Gym。（怕觸景傷情唔再去嗰度做Gym？）我哋唔同健身贊助，係死對頭。」
提到楊埕曾自爆與Andrew發生拗撬時有碰撞，楊埕似乎不想重提往事：「唔講喇，力的表現囉，哈哈！今次分手冇任何暴力，只係佢太細個，唔識大方，我就大方，所以唔計較。」Karl笑言楊埕要找個40歲成熟穩重男士為男友，不過楊埕相當抗拒：「爹哋唔得！（大過你又唔想，細過你又唔得？）年齡唔係問題，心智上成熟可以照顧女仔，我好依賴隔籬嗰個，希望思想上有依傍。」
