慧妍爭艷 楊思琦透5吋事業線 朱希敏涼浸浸出陰招

2001年港姐楊思琦、2011年港姐亞軍朱希敏、翁嘉穗與老公鄔友正、陳凱琳、張名雅、朱千雪、莊思明等昨晚出席慧妍雅集35周年慈善晚會，育有一女的楊思琦穿上透視晚裝，大騷5吋事業線搶「峰」頭，問到有否做足安全措施？她說應該安全：「我依家唔郁得，唔會移位。（囡囡有冇見過你咁性感？）我乜地方佢都見過晒，因為我哋會一齊沖涼，親子時間，沖涼教佢知識，囡囡一齊沖涼會望我，佢問我大個會唔會好似你咁（指胸部），我話一定會嘅，大個身體會有變化，我媽咪都好犀利，我諗呢啲係遺傳，我只係遺傳到媽咪嘅一半。（囡囡將來遺傳你咪好勁？）可能遺傳到四分之一，希望佢將來身材都好啦！」

翁嘉穗唔想大仔拍拖

朱希敏身穿白色斜膊透視高衩裙，疑似走光露毛，她卻否認：「我諗影錯。（有冇着底褲？）梗係有啦，唔着唔衞生。（但下身透視喎？）女性可以有好多款唔同嘅（內褲）。（T-back？）唔一定。（咁你有冇走光危機？）我自己唔覺得有，出門前已經黐晒膠紙，又照咗好多次。（邊個位黐膠紙？）會驚走光嘅部分都有黐。」

而翁嘉穗與丈夫鄔友正結伴出席，談到長子鄔謨雲（Jason）早前舉重奪冠，她透露年底再有亞洲賽，十分支持，但大前提是不要影響到學業。問到兒子有否拍拖？她說：「佢應該冇時間，日日都做運動，冇聽佢講過有狂蜂浪蝶，拍拖最好唔好喇，依家先16歲太細。」她又指Jason的教練大讚他有潛質：「教練話佢舉緊嘅重量係國家級程度，佢有咁嘅成績我都好意外，贏咗之後都有一家人食餐飯，暑假或者會去旅行。」

楊思琦（圖）及馮盈盈令人窒息。

放大圖片

翁嘉穗、鄔友正恩愛到場。

慧妍雅集舉行周年慈善晚會，眾港姐爭妍鬥麗。

文：名人組