7.11大婚 王君馨戴金豬嫌奇怪

藝人王君馨（Grace）與圈外男友Daniel已定好大日子，將於7月11日的相識紀念日在港設宴拉埋天窗。Grace昨日與一班粉絲開P慶祝31歲生日，席上有粉絲笑言要到場觀禮，不過未來老公Daniel就未有出席。Grace笑說：「佢返工呀，我覺得啲粉絲會對佢心心眼，所以唔帶佢嚟喇。（男友送咩禮物？）佢已經送咗個人畀我！」Grace坦承已定婚期，早前更試戴金器，鬼妹仔的她坦言覺得戴金豬「好奇怪」，但亦會依足傳統。