簽捐贈卡阿媽曾反對 Stephy不煙不酒自認好肺！

近年不少藝人響應器官捐贈的無私精神，如古巨基（基仔）、楊千嬅、佘詩曼、黎瑞恩與蔡立兒等已簽下器官捐贈卡，其中基仔還承諾必要時會獻出所有器官，可以遺愛人間！昨日以大使身份出席器官捐贈活動的鄧麗欣（Stephy）透露將加入這個行列：「我細個已經有呢個想法，但嗰陣太細，媽咪話大吉利是，但我今日會簽（器官捐贈卡）。媽咪心裏係明白嘅，只係口頭上冇講。以前年代就話大吉利是，但呢個年代就冇需要忌諱。」問到覺得自己哪個器官最好，可以令人受惠？Stephy自言生活及飲食習慣健康，亦有做運動，最可以捐腎或肺：「因為成日長時間做嘢，同事都問我唔使去廁所嘅，或者捐個肺。（你唔煙唔酒？）係啊！個肺幾乾淨。」

探BB冇衝動生仔

講到早前往探望好姊妹楊愛瑾（Miki）的BB，Stephy讚BB很可愛：「我仲問Miki佢會唔會合埋眼，因為佢啱啱出世嗰陣，對眼已經瞪到好大，嗰日佢全日都冇合過眼！（想生番個？）冇！唔係人哋生自己又要生。」同場的吳卓羲亦透露很久前已填寫器官捐贈卡。講到前緋聞女友江若琳與「生煎包王」蕭潤邦拍拖，他坦言沒有留意：「但聽到有人講，恭喜佢。（仲有冇聯絡？）間唔中都會，之前喺內地都有同佢拍戲，有聯絡問吓近況。」

吳卓羲獲大班粉絲撐場，一人簽一張就夠晒數！	「大埔LuLu」董嘉儀趁天氣熱晒吓美腿。	鄧麗欣（後左）與吳卓羲（後右）呼籲簽捐贈卡，令更多病人受惠。

車淑梅捐埋遺體

除了器官可以捐贈，原來連遺體都可以捐！資深傳媒人車淑梅早於2013年便報名參加港大的「大體老師」計劃，死後捐出遺體用作科研，她昨日接受電話訪問時坦言家人起初未能接受其決定：「啲小朋友會唔捨得，我個仔講過話其他人都可以咁做，點解要係我。」又指當年需要家人簽署同意書，但拿表一個月內仍沒有人願意幫她簽名：「直到有一晚，我個女終於肯簽，仲話恭喜我，令我好感動！（決定好偉大？）唔係，唔好嘥啫！」

文：音樂組

攝：鄭家俊