爆笑！周國賢指公手術似生仔

歌手周國賢（Endy）向來視結他為心肝寶貝，昨日他在社交網發文自爆換結他線時不慎插入手指公以致受傷，需要入院做小手術，他更寫下與醫生的搞笑對話：「醫生同護士一齊強調，會好痛，如果頂唔順先至用麻醉藥。咁我惟有忍痛嘗試交畀醫生幫我掹出嚟，點知真係好痛，醫生叫我忍住，開始出緊嚟，護士叫我深呼吸，吸一口大氣然後再慢慢呼佢出嚟……然後我就係咁深呼吸深呼吸深呼吸……」網友笑指猶如生仔過程，非常搞笑，但亦不忘叮囑他下次要小心。