貝安琪餵人奶搵布遮
名模貝安琪（Ankie）2月為外籍時裝設計師未婚夫Simon van Damme誕下B仔，昨日是她產後首次亮相，出席apm「球」愛五月天記者會，現場大晒求婚鑽戒。她透露現時餵哺母乳，問是否餵全母乳？她說：「有時Formula（配方奶），出街唔方便。（依家好多地方有育嬰室！）廁所？唔喇……喺歐洲做呢樣嘢好普遍，冇人望，連布都唔用，好Natural。」她表示有中國人血統，相對保守：「我有用布遮住。（上圍有冇升Cup？）大咗少少！」
她透露現時與未婚夫定居香港，日前首次離開B仔工作：「嗰日要拍嘢，唔見佢一陣已經好掛住佢！（有冇喊？）爭啲，但BB冇喊，仲同爹哋玩得好開心。（未婚夫係100分老公同爸爸？）係，夜晚會起身餵奶。」問到何時舉行婚禮，她指未婚夫熱愛派對聚會，星期日會先舉行百日宴，婚禮詳情則稍後公布。提到今年母親節首次三代同堂，對她而言特別有意義，屆時會如何慶祝？她表示母親劉香萍要飛往法國康城，或會提前慶祝。