千嬅眼濕濕爆片場遭欺凌
由楊千嬅與余文樂主演的電影《春嬌救志明》創佳績，香港票房突破1,246萬元，內地票房更衝破1.13億元人民幣。一眾演員繼續宣傳之旅，千嬅抵達成都站時把握機會一親大熊貓，穿上保護服照顧熊貓BB，還為其中一隻命名為「嬌嬌」。
其後，千嬅到深圳站時難得與樂仔重聚，卻被同行演員將兩人五花大綁，認真搞笑！兩人表示終於有機會睇自己演出，千嬅眼泛淚光：「好感動！呢幾個月喺片場受嘅欺凌都值得！」樂仔則說：「真心講！我冇考究套戲好唔好睇、冇擔心過成績，因為呢部戲對我哋嘅意義實在太大，完成咗已經好滿足！」又指今次是終極一集：「大家一定要嚟支持，應該冇下鋪！告別作呀吓！」千嬅聞言笑說：「我啋過你呀！」
