李嘉下戰書：送佢一程
無綫「功夫狂人」李嘉亦有留意徐曉冬秒戰魏雷一事，並在社交網向徐曉冬下戰書約戰，訂下三年之期、六大規矩！李嘉昨日接受訪問時炮轟事件商業味濃：「唔同武術係可以打、去交流，但嗰啲叫『試手』，係唔見血嘅，如果要打到流血，係叫『決鬥』，係兩個人嘅事、解決兩個人之間嘅仇恨，完全唔需要觀眾同拍片放上網！」
講到李連杰拍片撐太極，李嘉雖然認同卻說：「李連杰都代表唔到傳統武術，佢喺武術學校學新派武術，功夫係個人修行，唔會太多花巧嘢、太在意觀眾感官享受。」問會否擔心對方接受挑戰，出現傷亡？李嘉說：「我以前開過武館，長期着黑衫黑褲，代表我係隨時接受挑戰，如果我打死佢，就係『送你一程』，如果我技不如人，就係送我自己走！（有信心贏？）睇佢打超過十拳，對方都仲企到起身，證明拳腳好差！MMA只係喺擂台打，要一對一，如果真係去到硬地打，喺地面鉗住人自己都傷晒啦！（用咩武術應戰？）冇話代表咩門派，決鬥係個人嘅事，唔係我打贏就係李嘉贏咗MMA，我都定咗規則係可以用武器！」