美國樂壇天后麥當娜（Madonna）的入行辛酸經歷被指將首度搬上大銀幕，拍成傳記片《Blonde Ambition》。據知，環球電影公司睇中劇本並計劃開拍，但消息傳出後惹來很大回響，網民紛紛選飾演娜姐的最理想人選，結果由「小丑女」瑪歌羅比（Margot Robbie）奪得30.83%投票率，力壓百變天后Lady GaGa、狄高達莊遜（Dakota Johnson）甚至麥當娜的餅印愛女露迪絲（Lourdes Leon）等，而成為網友心目中最理想人選！
正當外界熱哄哄選「娜姐」之際，娜姐卻大潑冷水！她前日在社交網Instagram貼舊照並留言：「冇人知道我所知同所見，只有我能夠講自己嘅故事，如果有人嘗試就係愚蠢嘅人同吹牛者！唔做功課就想成功，係這個社會現今嘅惡習！」