黎耀祥拉囝囝加入幫補學費
藝人黎耀祥昨日以代言人身份出席正官庄銅鑼灣新店開幕儀式，他除了分享養生心得之外，亦與現場觀眾玩遊戲送禮物，敲響鑼鼓賀開張，與司儀林頴彤化身店長賣福袋。
第二年擔任代言人的黎耀祥，透露今年拉埋太太加入，令形象更入屋又溫馨，笑指望囝囝明年加入：「係時候要幫補吓家計，去外國讀書貴呀，三個人八折，一人價錢三人同行！」代言與廣告愈來愈多的他，直言沒有打算加價，只望長做長有keep到熟客：「加得少又唔係，加得多又要考慮埋經濟！」
六月開始拍劇
剛忙完《風雲5D音樂劇》，黎耀祥透露準備到內地做巡迴演出，六月亦要開始拍王心慰監製的無綫新劇，被問會否撞劇？他說：「要中間度期啦，理唔到咁多，好彩六月係外景，七月先入廠！」
此外，對於曾守明猝逝，黎耀祥慨嘆同年紀的朋友開始離去：「兩年前我都有body check，我就睇得好開，生死有命，做人輕鬆啲啦，有朋友開始走就要珍惜。」
文：影視組