54歲關之琳學到老放棄愛情

關之琳以Rosamund MOISELLE創意總監身份，前晚首次出席MOISELLE 20周年晚宴。她指推出的睡衣系列大獲好評，新系列會加入潮流元素及個人喜好，例如滑雪服裝：「我好鍾意做運動、滑雪。行山都行咗20、30年，係依家先愈嚟愈多人行山。」她坦言滑雪經驗只得3年，問到為何這麼大年紀才學？她說：「唔好咁諗就唔會驚，我50歲時曾經訂咗10幾件要做嘅事，第一係做呢個品牌，第二係學滑雪，第三係學打鼓，都想做啲音樂嘅嘢，依家都完成咗4、5件事。（仲有邊幾樣？）都係啲瑣碎事。」

影寫真驚嚇親人

問到最後一件要完成的事，是否找另一半長相廝守？關之琳笑說：「呢樣唔諗啦，放棄咗！（但你有好多追求者。）呢個（愛情）擺最後，有緣分先。」她又稱想學中國象棋，但覺難度太高，記者即叫她找精於捉象棋的男友，她哈哈笑說：「咁咪好似兩個石像坐喺度？都可以諗吓，捉棋可以防止老人癡呆症。（訂個目標影寫真？）唔好嚇親人啦！」

MOISELLE老闆陳欽杰與太太徐巧嬌、兒子陳栢熹（右）很開心與關之琳合作。	何嘉莉有意生多一個小朋友。	關之琳早前完成滑雪目標。

品牌太子爺陳栢熹表示與關之琳合作愉快，問到有否拗撬？他說：「我哋兩個都係天秤座，大家好識得點去平衡，都知道大家出發點為件事好，好少有爭拗。」

何嘉莉想生多個

前歌手何嘉莉2014年投身該公司做創意總監，雖然工作忙碌，但仍有充裕時間照顧家庭。她稱與前夫所生的兒子已4歲半，希望快些生多個小朋友：「阿仔一個都悶，佢想有個細佬或妹陪，努力中，但呢啲急唔嚟。（想追個女？）我鍾意仔多啲，覺得女有好多嘢要擔心，又會黐我多啲，如果生仔，老公可分擔。（老公同囝囝相處如何？）佢哋相處得好好。」

文：名人組