譚詠麟許冠傑開騷炒飛千五蚊一張

樂壇校長譚詠麟昨日到電台宣傳最新國語專輯《欣賞》，提到他將於8月跟許冠傑開騷，雖然未公開售票，但已有網站炒飛，價錢更高達千五元一張！校長慨嘆：「唔值得，唔知點先可以打擊。我之前喺上海嘅演唱會都炒到8千幾人仔一張，其實係好唔健康。」他希望當局可以處理這個問題，並呼籲歌迷不要買炒飛。校長直言今次演唱會目的是推廣粵語流行曲50周年，他與許冠傑去年底已經錄了由校長作曲的新歌及經典歌medley，很開心可以唱對方的歌。