歌手狄易達昨日到電台受訪，透露跟公司將於6月完約，會先獨立發展一段時間：「公司或其他公司都有提出Offer畀我，但我想有啲轉變，唔想再咁細路仔。（唔驚錯失機會？）都驚o架！但我想花啲時間搵吓自己先，如果直接轉去另一間公司都係變化唔大。」他坦言會給自己半年至九個月時間去試，又透露下月會到荷蘭、法國學跳舞及表演。而其跳舞學校最近搬遷又要錢，慶幸有生意幫補收入，除了跳舞學校的生意外，兩個月前與朋友合資七位數新開的室內設計網上配對平台生意亦順利。
