胡琳入行改命運 唱走嫁期

歌手胡琳、王梓軒、排舞師Sunny Wong與張家誠昨日為《理想集團呈獻：2017快樂男聲港澳台區選拔賽總決賽》擔任評判，胡琳與王梓軒亦有上台表演。胡琳表示做歌唱評判的次數不多，最重要認真給參賽者評分，因每個結果對他們的影響很大，就如當年若不是在紐約參加歌唱比賽而被發掘，相信命運已不一樣：「當時唔係入咗行，我諗我會同正常人咁結咗婚、生埋仔，所以做評判會影響一個人好大。」

音樂劇後感失落

身旁的王梓軒讚胡琳早前在《風雲5D音樂劇》中表現出色，唱歌甚有「仙氣」，胡琳即很識做指對方的打扮愈來愈韓風，散發「小鮮肉」味！他笑說：「公司同事都瘋狂愛上煲韓劇，好似畀孔劉、宋仲基啲造型相我睇。（所以跟足韓風打扮？）係咁啱屋企有嗰啲款衫就着囉！」胡琳則承認做完音樂劇後感失落：「每晚到八點半就不自覺唱劇入面啲歌！」又指身邊不少女友人因而愛上演「無名」的譚耀文，自己也成為小粉絲，在後台多次向阿譚集郵。

李一元（左起）、湯皓深、楊珀麟及姜濤勇奪《快樂男聲》入場券。	應昌佑有媽咪支持，雖敗猶榮。	獲讚「小鮮肉」的王梓軒落力演唱。

應昌佑六強止步

另外，歌手應昌佑放下歌手身份參賽，20名參賽者中殺入六強，母親還上台為他打氣，可惜最後未能取得最後四張入場券，成功出線到湖南衞視出戰《快樂男聲》分別是姜濤、李一元、楊珀麟及湯皓深。對於未能晉級，應昌佑笑說：「可能我年紀最大，唔係男聲係老聲！講笑啫！自己都係抱住睇吓可以行到幾遠嘅心態一試。（失望？）坦白講都有，但都係成長經歷嚟，平常心啦！自己都會繼續唱歌。」

文：音樂組

攝：司徒國榮