余文樂撩千嬅扑嘢 嗌腳軟
藝人楊千嬅、余文樂與導演彭浩翔昨日為電影《春嬌救志明》宣傳，穿上6、7吋高踭鞋配長闊褲的千嬅走路相當不便，故於台上甚少郁動，結果成為樂仔及彭導的玩弄對象，二人同聲說：「你唔使郁，等我哋後生郁就得，你咁Elegant（高貴）。」及後千嬅以膠錘扑木板預祝票房爆燈，兩人又講有味笑話，樂仔說：「春嬌（千嬅戲中角色名）扑嘢嘞，冇辦法！」千嬅秒回說：「喺商場扑嘢？」場面爆笑。
食錯後生女？
對於兩位拍檔大講有味笑話，千嬅自言面皮厚未感尷尬，更指大家合作了8年，耳朵早已麻木，還取笑抱恙上陣的樂仔戰鬥力弱。樂仔則透露因食錯東西致肚屙，加上於台上已用盡氣力，現已感腳仔軟。彭導即笑說：「食咁多嘢，唔通食錯後生女、細路女？」樂仔似無力招架，只表示隨便他說。
千嬅不諱言睇到樂仔生病感肉赤，但內心卻又感到很爽：「我都有叫佢啲助理同佢去急症室，一係大家送你去。」樂仔反擊：「送殯咩！」而千嬅對於被寸年紀大，笑說：「他朝君體也相同，動搖唔到我情商，廣東話係直接啲，之前用國語講有氣質啲，話陪我步過更年期，有幾多個男人肯陪女人過更年期？好感動！嬲唔落！」談到票房，彭導指該片首集收約700萬港元，第二集收3千多萬元，寄望第三集能有第二集票房的四倍，望挑戰華語電影票房紀錄。
文：影視組