46歲陳松伶擬領養殘疾孤兒
現年46歲的藝人陳松伶（松松）與老公張鐸結婚六年，恩愛得羨煞旁人。松松一直想為老公生BB，令幸福家庭更添美滿，婚前兩人更在美國做檢查冷藏卵子，為生B做足準備，可惜多年來不斷嘗試配對，希望進行人工受孕都未能成功。松松昨日接受電話訪問時直言：「問題喺我身上，唔係我老公問題，試咗好多年都唔成功。老公都勸我不如唔好再試，但只要有一絲希望都會繼續試，好希望幫老公生個BB，最尾得唔得要睇天意。」
繼後香燈有壓力
由於張鐸是家中獨子，問松松是否有為夫家繼後香燈的壓力？她坦言：「結婚頭兩年係有壓力嘅，老人家當然想抱孫，但第三年開始已經冇壓力，佢哋見我同老公生活得咁開心，冇再提生BB，反而叫我哋得閒去旅行玩吓，佢哋都好明白，咁樣反而令我好慚愧。」
改變老公觀念
松松明白生BB要看上天安排，而多年來她一直有助養小朋友，原來她有個心願想領養孤兒，特別是身體有殘疾的小朋友。最近松松與老公參與天津「和平之君」兒童福利院的慈善活動，探望一班殘疾小朋友，經過相處，她直言信念更堅定：「內地好多殘疾孤兒，領養佢哋多數係外國家庭，好希望以身作則帶出領養佢哋嘅訊息。我希望自己由領養一個開始，但會同老公好好商量，因為佢聽到領養殘疾小朋友有啲抗拒，要慢慢溝通去改變佢嘅觀念，自己亦要考慮清楚。」
文：影視組