高飛設靈 明星足球隊義踢助中風兒解財困

高飛上月因前列腺癌離世，終年67歲，昨日假大圍寶福山設靈，尹揚明、吳毅將、葉天行、丁羽、白彪及導演王龍威等前來致祭，靈堂以簡約為主，橫匾寫上「德範長存」，門口則有一張高飛年輕時的武打劇照。以輪椅代步的高飛兒子Jamie一早到場打點，但對記者提問不欲多談。

深圳搵中醫

鑑於Jamie因中風失去工作能力，已欠租數月，業主更要求他於本月底前交還居所，經濟陷入困境。早前尹揚明及何華超等曾在網上作出籌款呼籲，曾志偉更把月中生日派對收到的禮物及利是，全數捐給Jamie解財困。而尹揚明現身靈堂時表示有找區議員幫忙，跟進Jamie住宿問題，後來得知社署一直跟進其個案：「大前提係想佢睇好個病、照顧到自己同唔使坐輪椅。就算社署未安排到，我會安排地方畀佢住。（成立基金幫助Jamie？）明星足球隊有諗過，但要諗清楚，唔想草率地做！希望佢願意接受我哋安排嘅治療，我覺得佢有幾嚴重嘅抑鬱同躁狂症，想搵中醫幫佢，喺深圳都想帶佢去睇，如果佢唔肯配合就惟有盡力！」

靈堂門口放有高飛年輕時的武打劇照。	尹揚明希望助Jamie解決住宿問題。	白彪指高飛生前抗癌鬥心很強。

白彪讚有義氣

與高飛相識43載的白彪則表示欣賞高飛有義氣，他說：「明星足球隊係佢一手搞出嚟。（知唔知佢最想做咩？）都係拍戲，我之前返加拿大半年，佢話搞網劇，仲叫我有咩要返嚟幫手，點知佢咁快離開。」他指高飛五年前已患病，稱讚其鬥心強：「今年2月仲好精神，佢家姐話cancer擴散到膀胱，最後食唔到嘢。（點幫Jamie？）武師會、導演會、明星足球隊以及高飛自己搞嘅國際聯盟足球隊會幫Jamie！」至於專程由杭州趕返港的吳毅將，表示明星足球隊將舉行義踢籌款，若時間許可會出席支持。

文：影視組