欣宜棄法國仔 鍾情食中菜

藝人鄭欣宜和蔡瀚億（BabyJohn）昨日在銅鑼灣鬧市為宣傳電影《29+1》向途人大派豆腐花和缽仔糕，場面熱鬧。提到欣宜5月會飛到法國出席尼斯國際影展，有份入圍「最佳女配角（外語劇情片）」的她說：「去玩囉！去見識世界！」BabyJohn聞言即嚷着要一起去，記者笑他阻住欣宜識法國仔後，他即笑說：「咁又係，都係唔好去。」提到好友謝婷婷被老竇謝賢催婚，欣宜即爆妙語：「係咩？正常啦，佢大我六年！哈哈，快啲啦！」問到爸爸鄭少秋有否催她，她說：「冇，真係冇喎。大家都冇催過我，你哋仲心急過我。（秘婚？）有我會好開心同大家分享！（去法國識個啦！）法國人夠浪漫，但香港人始終Like Chinese Food多啲。」