封后一直忙不停 惠英紅自爆唔識say no

惠英紅稍後會到台灣擔任電影節評審。

影后惠英紅、陳家樂、衛詩雅及泳兒前晚於灣仔出席活動，惠英紅表示獲獎後沒有特別得到更多電影邀約，因自己一直在開工。至於接工作的準則有否改變？她稱若劇本多就要揀，但自言不懂拒絕，不過面對無誠意的邀約就自有妙法對付：「我唔識得Say No，但我都要搵食。如果冇誠意嗰啲又要我幫手，冇理由你食魚翅，我食粉絲啦！同埋我話唔拍動作片，就係因為我唔識Say No。」正在拍攝網劇的她，五月要到台灣參加台北電影節並擔任評審，更透露到埗後每日要花十小時看電影。

斬纜即倒升 陳家樂被嘲股壇明燈

陳家樂表示忙於拍攝以金融為題材的網劇，自爆現實中在金融市場損手爛腳。他笑指衛詩雅曾介紹一隻股票，二人齊齊買，他因為沒耐性，結果賺錢變蝕錢：「我一買就跌咗20%，詩雅叫我等吓，結果跌咗50%，咁我驚就走咗。點知我走咗兩星期就倒升30%！（怪詩雅？）好嬲佢，問佢點解咁有信心，其實佢對隻股票有啲認識！（第一次買股票？）唔係呀，次次買都係咁o架！」詩雅笑說買股票就如做藝人，只要不放棄就有上升的一日，更笑指家樂是明燈：「佢買咩我就買相反，依家買都唔同佢講，一講就搭沉船，惟有賺咗請佢食飯囉！（你買股票賺好多？）每次一買都跌，但會升番，所以唔使擔心，同埋用多餘嘅錢買！」

衛詩雅話依家唔敢叫埋陳家樂買股票，怕佢搭沉船。

泳兒

文：影視組