細膽楊偲泳扮神婆喊驚

「文青女神」楊偲泳(Renci)最近忙拍攝ViuTV劇集《詭探》,一洗靚女形象,扮演不修邊幅兼有陰陽眼的神婆警察,她笑言平日跟角色一樣不愛打扮:「朋友笑我終於可以做番自己,角色個頭好亂,又冇咩化妝,好麻甩。(拍戲唔想做靚女?)係!我鍾意演戲,唔係要好靚,平時做Model、拍MV已經係靚,但想大家睇到我演技。」劇中的她能接觸靈體,但現實細膽得不會看鬼片的她直言驚到爆:「劇情我要鬼上身,啲人話真係會瀨嘢,好驚!唔知點算,媽咪教袋定玉觀音同唸經,前輩就話之前拜神最緊要誠心。」