王敏奕廚藝滿分 菜刀切西多

影壇新貴王敏奕自小與母親在上環生活，她在今集東網巨星節目《區區有女神》中帶大家重遊此區重拾回憶，Venus喜歡到上環文娛中心睇舞台劇增進演技，亦經常陪媽咪到上環街市買餸，行到熟食市場一層，Venus忍不住殺入廚房露兩手，親自整西多士冧客，夠晒貼地又Sweet！

試食畀滿分

Venus獲網友封為「氣質女神」，除了樣靚又夠仙氣，原來廚藝亦不俗，難怪深得網友喜愛！Venus炮製西多士相當熟手，毋須驚動老闆娘教路，已經做好打蛋、開鑊、煎包，最後以一招菜刀切西多，再加上煉奶，色香味俱全的「V式西多」順利完成！「Chef Venus」笑言平日都是自己整早餐，難怪全程邊煮邊笑輕鬆自若，甚有潛質效法「Chef Nic」謝霆鋒搞個煮食節目！

入慣廚房的王敏奕煎西多零難度。	女神用菜刀切西多，勁！	「V式西多」有幾好食？西裝男Barry畀足5分滿分！

要知係咪睇得唔食得？當然要搵食客試吓Venus手勢，靚女食客食到舔舔脷，5分滿分畀4分，笑言要留一點進步空間給Venus，Venus即大笑：「佢將來會係個好媽媽！會激勵個女繼續進步。」另一位西裝男Barry則畀足5分滿分，Barry更自爆有留意Venus的影視作品，氹得Venus笑逐顏開！

王敏奕到訪PMQ元創方，與中學生啱傾講初戀。	靚女食客大讚好味，仲話要鼓勵王敏奕進步。	放大圖片

多士奶茶絕配

Venus直言這個街市充滿她與母親的開心回憶，因此重遊此地分外懷念：「細個嗰陣媽咪好忙，佢一放工就會帶我哋揀間檔口食嘢，咁多檔食勻晒(0架)喇！而呢間最有港式懷舊感覺，我鍾意嚟食多士飲奶茶，同媽咪一路傾偈一路食嘢，好開心！」今集Venus又帶大家遊覽PMQ元創方、摩羅街及拍攝《女人俱樂部》的水池巷，想跟女神遊上環玩番日，快啲Click入東網巨星收睇節目啦！

上環老香港

上環區保留不少舊式建築物，包括西港城、荷李活道公園及香港醫學博物館，吸引不少攝影發燒友影靚相，大家又可到海旁邊吹海風邊拍照，或到摩羅街尋寶搵古董，感受老香港風味。至於新地標則有PMQ元創方，是新一代創意產業集中地。

女神的秘密：魚鱗當生蛇

王敏奕外表醒目，原來也有烏龍時候，她自爆兒時屋企面積小，床跟爐頭就在隔籬，因此發生過一件既痛又搞笑的往事：「有次媽咪煎魚彈到我，我以為大髀起咗水泡，仲誇張到諗係咪生蛇呢？我即刻感覺到半身癱瘓，係咁嗌救命啦！媽咪終於理我，發現原來個『水泡』只係魚鱗！自此我就好驚魚同蛇呢啲有鱗片嘅生物喇！」

Profile

王敏奕（Venus）

年齡：25歲

身高：1米64

Instagram追隨人數：24.5萬

簡歷：14歲開始任模特兒，其後參演多部電影包括《囡囡》、《DIVA華麗之後》及《初戀日記：賤男蜜擾》等，在無綫劇集《女人俱樂部》中飾演少年李麗珍，現任男友為曾國祥。

文：陳偉立

攝：鄭家俊

髮型：Ken Hui @ ii alchemy

化妝：Onetung Ma

服裝：Snidel

鳴謝：瑞記咖啡奶茶