主持森美偕「仁美清叙」主席程瑤及其他成員，日前到中學出席正能量分享會。育有一子一女的森美自認是「怪獸家長」，坦承管教小朋友時比較嚴厲，但亦有開通一面，並笑說︰「我希望小朋友早啲拍拖，之前阿仔喺學校傳同一位女同學拍拖，我就約咗嗰位女同學同佢家長見面食飯，因為我想畀個仔知道我哋好開通，而且呢件只係好平常嘅事。」
