楊明升呢男一去通渠
楊明去年於馬來西亞電視頒獎禮奪得「男配角」獎項，坦言因為一劇接一劇，未有時間接Job搵真銀，但公司對他很重視，除了已擔正男主角外，今個月更再與袁偉豪到威尼斯及非洲拍攝特輯，挑戰人生首次的通渠體驗。
無綫小生楊明2015年奪得馬來西亞「飛躍進步男藝員」獎，去年更奪「男配角」獎，這幾年間，楊明一劇接一劇，最近於新劇《抱佣情人》躍升男主角，可見無綫對他的重視。
現正播映的劇集《心理追兇Mind Hunter》中，楊明飾演有輕度自閉、但擁有高度智商的角色，更助飾演心理學家的馬國明查案；而現實中的楊明性格樂觀又開朗，與角色完全不同，他說：「之前自己曾遭遇事業低潮，5年前先開始多番啲工作，不過就算嗰段日子我會唔開心，但唔會持續好耐，想做番一個開心嘅人，帶出正面訊息畀人。（咁做你另一半都幾開心？）ＯＫ o架！其實不論情侶、親人、朋友都有意見不合，但唔可以將呢種不快放大。」提到他與女友莊思明不時放閃，問女友有否令他改變時，他笑說：「我依然係咁活潑、開朗！」
冇期拍廣告
去年奪獎後，楊明坦言多了份責任感及壓力，至於實際收益？他笑說：「攞獎之後一直有劇開，就算有廣告搵我，都度唔到期，冇辦法，惟有拍劇為先。」「真銀」未搵到，但無綫給的機會的確不少，今個月他更與袁偉豪拍攝節目《打工捱世界》第二輯，到威尼斯通渠，及勇闖非洲做動物園管理園。楊明說：「去非洲前要打三支針，之前去印度已經打咗三支，今次去非洲最驚係啲蚊，我哋要去動物園，啲蚊真係避唔到，亦會去威尼斯，但係就去體驗通渠同洗碗，咁大個仔未通過渠，唔知頂唔頂得順。」
文：影視組