關楚耀爆游學修「屎漬刷牙」

影星游學修與關楚耀在新片《同囚》中合作，分別飾演少年囚犯及懲教職員，游學修自言為角色自我隔離，感受囚犯如何受盡心理折磨及精神虐待。拍檔關楚耀更提到游學修因戲中一場「屎漬刷牙」而對刷牙有陰影，他聞言即說：「唔好提！拍完屎漬刷牙的確有陰影，雖然啲屎係假，但個廁所係真，都拍得幾唔舒服！」

打人兼爆粗

關楚耀則透露角色長期留在看守所，因而有不少轉變：「個角色好熱血，心理慢慢變，因為每更要留守個幾禮拜，感覺同啲犯差無幾！戲中有打犯，打人就唔會特別辛苦，我亦都會講粗口，都唔使特登學喇！」而監製梁鴻華被問及「屎漬刷牙」是否真有其事？他說：「據聞有，希望唔係事實就最好，套戲已經拍得收斂同平實。」

游學修「重演」戲中「屎漬刷牙」一幕，隻手指……	放大圖片	游學修、梁鴻華與關楚耀接受《娛樂onShow》訪問。

介意被誣陷

兩位型男更接受了東網巨星節目《娛樂onShow》訪問大談男性尊嚴，關楚耀直言難以接受身邊人被談論：「以前試過畀同學講我當時嘅女朋友，所以我非常嬲。」游學修則介意被人誣陷：「如果人哋話我拍攝唔認真，唔係事實嘅嘢，我就會好介意。」不過，二人講到感情方面，亦甘願放下尊嚴為心儀對象「做兵」，有過經驗的關楚耀笑說：「有時候你喜歡對方，做得過火咗都唔知，所以後知後覺做咗兵，但過程自己係Enjoy嘅！」游學修更自爆做兵多過拍拖！如果想知道更多二人的感情事，立即Click入東網巨星收睇《娛樂onShow》！

文：影視組

場地：雲來軒