秋生撐志偉冇暗寸田雞：佢幫過黑仔拉票
藝人黃秋生和導演邱禮濤昨日到電台宣傳新片《失眠》，對於日前杜汶澤指摘曾志偉得獎時暗寸姜皓文（黑仔），秋生稱不知道阿澤與志偉有甚麼恩怨：「望到第一個感覺係，志偉同黑仔好熟（口架）？通常佢都係咁同人開玩笑。」問到志偉是否實至名歸？秋生說：「入得圍唔係你就我啦。（阿澤把口唔收？）都係一個好明顯嘅現象。我阿媽成日咁教，全世界都話你唔啱，你唔諗吓點解？」
而資深電影人田啟文（田雞）昨日出席已故荷里活男星保羅獲加（Paul Walker）生前創辦的ROWW慈善活動。提到杜汶澤指志偉不值得奪「最佳男配角」，田雞即說對方是用另類方式恭喜志偉。提到志偉在台上疑似揶揄姜皓文，他指志偉是帶動氣氛兼激勵對方，更說年初出席春茗時，見到志偉為姜皓文拉票。另外，有指Cody Walker會拍攝《狂野時速9》，代亡兄來港的他直認有和雲狄素（Vin Diesel）傾過，自己亦有興趣。
