曾志偉：唔會個個都鍾意我拎
藝員曾志偉、胡楓、朱潔儀、馬詩慧等昨晚於尖沙咀出席定山寺重建慈善晚宴，志偉表示不少好友主動聯絡他做善事，目標是籌得500萬善款，而正日生日則會與黃杏秀齊齊慶祝。
早前志偉在金像獎奪「最佳男配角」，他在台上對姜皓文的一番話「我一部頂你廿六部」引起風波，更被杜汶澤在社交網站發文炮轟，志偉澄清：「我原意係想鼓勵黑仔（姜皓文），想話後面就係你（拎獎），點知衝口而出，如果金像獎今年原意係想幫後生，我哋四個老嘢都唔夠黑仔嚟！呢句話衝口而出令佢哋誤會，我係要向佢道歉，但絕對唔係呢個意思。（嬲阿澤話你最冇資格拎？）唔會，評審有大家嘅眼光，有人投我亦有人投其他人，唔會個個都鍾意我拎，一啲都唔會介意。」
另外，人緣甚佳的志偉前晚獲成龍、肥媽、余安安、錢國偉、王君馨等慶祝得獎，君馨在社交網站貼出合照並留言︰「恭喜志偉哥獲得最佳男配角！亦都預祝你生日快樂。」