陳瀅踢爆張振朗返屋企試咀戲
藝人陳瀅及張振朗昨日到電台宣傳劇集《全職沒女》，陳瀅非常期待昨晚於劇中登場，又指網上討論區有人爆粗問為何未見她，她笑說：「我唔知係讚賞定話我！」張振朗稱二人飾演一對，又指陳瀅是女神，較難襯起她。之前與陳瀅傳緋聞的張振朗曾被報道封為「大台花王」，陳瀅重提「花王」稱號，張振朗笑說：「其實我鍾意種草。（專唔專一？）都OK嘅，淨係鍾意謝東閔。」
陳瀅透露有接吻戲，還疑似踢爆男方拍拖：「佢問我點錫先舒服，我話冇所謂，之後佢啄一啄就算。我話女仔鍾意人錫額頭，係好浪漫，好愛先會咁做。到最後佢都冇錫到，點知拍完就話『我今晚返去試吓先』。」記者追問張振朗和誰試？他口窒窒說：「姪仔，同姪仔宣傳吓，真o架！（有冇錫女友額頭？）以前嗰啲都試過。」提到緋聞女友34C小花陳芷尤，他稱是好朋友，隨即轉話題講劇集。