何傲兒唔吼法男主攻中港市場

藝人何傲兒（Lily）、胞姊何傲芝（Gigi）、陳爽、黃心美、前女騎師江碧蕙夫婦等，昨日一同出席前天氣女郎黃婉曼（Icy）斥資7位數字的麵包工房開幕，Icy更特意邀請當年在日本修讀法國藍帶廚藝課程時認識的法國藍帶前技術總監Stephane Reinat來港助陣，相當熱鬧！

Lily覺得法國好浪漫，學過法文三年的她，卻只懂幾句簡單說話：「我淨係識講『我叫何傲兒，我聽唔明你講咩！』」在旁的Gigi就問「我愛你」法文如何讀？Lily笑說：「呢個我識，好多衫成日有印，不過唔使識講，做就得。（搵法國人做男友？）以我三年法文經驗，暫時都係考慮香港同內地市場，未想衝出亞洲住，唔想咁international！」

何傲芝爭做MC

為開幕擔任司儀的Gigi表示與Icy分屬好友：「我哋識咗多年，加上佢識咁多MC朋友都搵我做，我話唔使收錢，最後封咗利是畀我。」她大讚Icy早年離港修讀法國藍帶課程的精神十分值得學習，又希望能陪對方度過人生任何階段：「我已經book咗做佢百日宴嘅MC。」她還踢爆Icy見到跳水公主郭晶晶懷孕相時，笑言自己個肚比對方大。Lily亦大讚Icy佗B佗得靚，四肢依然纖瘦：「希望我第時佗BB都係咁！」

黃婉曼挺巨肚現身，但手臂尚算纖瘦。

黃婉曼抱住騎師潘頓的BB預習做媽媽。

Icy想追3個

懷孕五個月的Icy腹大便便現身，自爆重了十多磅：「以前着加細碼圍裙，依家身體膨脹咗好多！」談到BB性別，Icy先保持神祕，後來透露佗B女：「你哋估唔到咩？覺得尖定圓？（仔？）我都想，不過姐姐可以照顧細嘅，容易教。（想要仔多啲？）再努力追，目標生3個。（老公鍾意仔定女？）前世情人係開心啲，男人係鍾意女。」她透露預產期為夏天，希望自然分娩。

文：名人組