陳細潔新任主席食嘢減壓
鯊魚女陳細潔（Abbie）、「玩具大王」蔡志明太太蔡李惠莉、賭王何鴻燊二房女兒何超鳳、賭王四太梁安琪、子女何猷亨及何超欣、太子珠寶鐘錶主席鄧鉅明太太鄧宣宏雁等，昨日出席保良局就職典禮，是次為何超鳳宣布離婚後首次露面，但她禮貌地以趕時間為由拒絕受訪。
特別關懷老人家
以新任主席身份現身的Abbie對於致詞時曾中斷演講，她笑言不夠氣：「平時唔係講太多嘢，第一次一口氣講咁多，我要練吓氣功至得！」她表示雖然已加入保良局十年，但作為新一屆主席，心情依然十分緊張：「月頭開始已經好緊張，始終好大壓力，做主席要承擔好多嘢，加上今年有好多重要盛事。」問到如何紓緩壓力？她說：「食嘢係我最好嘅減壓方法之一，院社好多老人家煮餸好叻，好多時去探訪順便留低食飯，同佢哋傾吓偈，始終我係嫲嫲湊大，會特別關懷老人家。」
鄧鉅明喻錢為膽固醇
蔡李惠莉獲女兒蔡加敏、蔡加怡及兒子蔡加讚到場支持，她大讚三名子女無論精神、時間及金錢都全力支持她，並表示明年上任主席一位將更忙碌，會減輕自己的校務工作。而總理鄧宣宏雁奪得籌款比賽季軍，「愛妻號」鄧鉅明亦有現身，更揚言支持太太「為善最樂」。向來幽默風趣的他比喻錢為膽固醇，笑言：「男人嘅錢就好似多餘嘅膽固醇，散咁啲個人先會開心同健康，我依家行路都快咗！」鄧太聞言向鄧生說：「多謝支持，攞冠軍靠你喇！」
而賭王何鴻燊四房千金、現年17歲的超欣愈大愈靚女，趁復活節假期返港的她，和四太齊齊到場支持哥哥何猷亨。亭亭玉立的她穿着條子連身長裙，星味十足。
文：名人組