王若琪屋企水浸條氣唔順

歌手王若琪（Takki）昨日現身電台宣傳時表示急於搵屋搬，因現居的唐樓正裝修，她說：「因為我樓上係天台，個天花鑿爆咗，天花板滲水，浸晒我啲樂器，前日門口條渠又整爆埋，搞到冇水。」裝修期間沙塵滾滾，患鼻敏感的她飽受煎熬：「條氣唔順，我屋企嘅貓狗都扁嘴，沙塵對佢哋健康都唔好。」與地產代理關係良好的她未有打算追究，只想和和氣氣處理事件。不過有相士指該住宅不利她，故她只想盡快搵屋搬。