Twins亂入K房嚇Fans
Twins日前在內地福州舉行《Twins LOL世界巡迴演唱會》，吸引不少歌迷撲飛捧場。由於巡唱踏入第二年，Twins特別穿上新長裙登場，並在歌單中加上國語串燒歌，難怪兩女大跳大唱時，全場歌迷陷入瘋狂，紛紛起身跟住跳唱。蔡卓妍（阿Sa）坦言沒想過巡唱可以進行兩年，並說：「反應咁好當然開心，初頭擔心歌迷唔識聽廣東話，點知點唱環節竟然點廣東歌！」
阿嬌破戒食魚
已戒魚的鍾欣潼（阿嬌）到埗即收到歌迷送的當地特產福州魚丸，最終抵擋不住誘惑破戒，阿嬌說：「見阿Sa食到咁好味，真係忍唔住，食完覺得好幸福。」身邊的阿Sa踢爆她說：「佢晚餐食咗三大粒魚丸，邊食邊話好耐冇食魚。」
電腦讚唱得好
阿Sa更透露返港當日在福州機場見到迷你卡啦OK機，即貪玩點唱Twins歌曲《朋友仔》，她說：「一路唱電腦一路評分，分數一直都係不俗不俗，唱到尾就讚我哋唱得非常好，好搞笑。」並自爆冒昧衝到隔籬房與歌迷打招呼：「見隔籬有個女仔喺度唱《小酒窩》，一時興起打開佢度門，Say咗個Hi，佢望住我呆咗，我諗佢發夢都估唔到唱緊Twins嘅歌時會見到我哋，希望冇嚇親佢。」
文：音樂組