怕七年之癢茜利妹再婚

現年45歲的電視台節目主持茜利妹大前日再婚，跟年輕兩年、任職雜誌編輯的男友Steven在尖沙咀註冊結婚。她透露拍拖六年，突然結婚非因懷孕：「怕過唔到七年之癢，又覺得啱時候咪結婚囉！（生BB？）我仲未收經，但同老公有共識唔生BB，世界太亂、責任太大，況且我年紀都大。」問到是否刻意揀《金像獎》頒獎禮同日結婚？茜利妹笑言純粹巧合，只因當日是好日子，又指簽字過程緊張多過感動，儀式後見金像獎的宣傳海報才影相留念，還跟老公講笑：「嘩！有好多影帝、影后嚟賀我哋。」