余文樂御准千嬅擺是非上枱

影星余文樂、楊千嬅、古天樂、佘詩曼、溫碧霞、陳靜（DaDa）、宋熙年與泳壇飛魚歐鎧淳等昨晚到尖沙咀文化中心出席《第41屆香港國際電影節》開幕禮，其中阿佘與溫碧霞鬥騷玉背，身穿低胸裝的DaDa大晒三吋事業線，千嬅則以型格Look上陣。

樂仔日前在《金像獎》中失落影帝，問到千嬅有否安慰？她說：「佢都冇嘢，最大壓力係對稿啫！我嗰晚都同佢講，一晚唔代表成世嘅。」樂仔則表示失獎唔緊要，獲很多人安慰：「我覆番人哋都用咗好多時間。（女友王棠云呢？）冇特別！（有冇親身安慰？）冇呀！正常囉！佢知我可以下次嚟過。」講到千嬅爆樂仔做頒獎嘉賓時緊張到要夾稿幾次，樂仔即否認：「係改咗稿，有啲複雜，我驚甩啫！」問會否怕再跟千嬅頒獎，因對方還踢爆他被拍到在泰國會長腿女一事？樂仔大方說：「泰國單嘢係我提議佢講，仲叫佢反應大啲，否則冇效果。」

DaDa輕輕烏身，三吋事業線自動波走出嚟。	佘詩曼晒寶「背」，自爆與黃子華合作笑不停。	宋熙年

歐鎧淳預告陪男友過生日

身穿黑色露背裝的佘詩曼表示跟黃子華合作的新片尚未拍完，指每日忍笑相當辛苦：「佢實在太搞笑！之後就想休息一陣，同家人去旅行。（識男仔？）同家人去行吓咋！（之前畀人影到同猛男一齊喎！）係咪子華呀？我日日同佢一齊，佢都屬於猛，定係契仔個爸爸呀？（未有真命天子？）隨緣啦！」

透視上陣的歐鎧淳預告幫男友慶生！	溫碧霞與陳家樂（右）及麥子樂齊齊現身撐電影節開幕。	古天樂四度擔任電影節大使。

至於歐鎧淳提到男友胡子彤日前贏得《金像獎》最佳新演員獎，她表示對方雖忙但已慶祝：「佢都就生日，第一年同佢慶祝，作為女友唔可以鬆懈。（點過？）又唔使太隆重，我同佢鍾意心意嘢。」而古天樂已第四年擔任電影節大使，講到有指鄧麗欣將加盟其公司做打女，他故作神秘只答：「多謝大家。」

文：影視組