林子聰抓星爺演出秒酬百萬都抵

導演林子聰、監製黎文卓、嘉賓冼國林與陳浩民等前晚出席電影活動，林子聰透露將執導投資過億的合拍片《喜劇之星》，找來一班兄弟包括陳浩民、陳國坤、田啟文及林雪拍攝，問到可會邀請周星馳演出？他笑說：「情商到先得o架！拍《美人魚》嗰陣，我衣櫃出嚟嗰場三秒戲原本想佢拍，氹咗佢廿幾日有啲心動，但臨場話都係你嚟啦！（如果周星馳拍三秒300萬值唔值？）直情抵啦！有得睇周星馳喎！（新片問佢意見？）每套戲都會問佢意見，係要犯賤畀佢鬧吓先得。」陳浩民則指已經答應演出：「片酬、角色、幾時拍我乜都未知，兄弟叫到就應承！」